لا تفكر برجعه ترانى بخونك

لا تفكر برجعــــه ترانـــي بخونـــــك
واسقيك من كأس الغدر لين ارويــك

مــا عاد انا عاشق متيــــم يصونـك
في ذمتي لاجــرح خفوقــك وابكيــك

البارحه جتنــي خناجــر طعونـــــك
وفتحــت صــــدري ياحبيبي أوريــك

انـــي شجاع ومــا أخيب ظنونـــــك
حضنتها واظـــــن هــــــذا يكفيـــــك

حضنتها وبان الفرح فــــي عيونـك
حضنتها والــــــدم سايـــــل بيديــــك

ماقلت لك ارفق ولا قلت هونــــــــك
شفتك بحــــر هايج ولانـــي بهديـــك

حتـــــى شفاتـــك قطعتها سنونــــك
اطعــــن بعد شفني بصفق واهنيـــك

قدرت تقتل قلــــب عايش بكونــــك
وقدرت تهـدم حلـــم عشته انا فيــك

وتبغاني ابقــــى ليش؟بحـي بدونك
الله وكيلك روح مانـــــي مجازيــــك

ولاتفكر برجعــــه وربـــي بخونــك
واسقيك من كأس الغدر لين ارويـك