الرئيسية
المنشورات
أحدث الصور
التسجيل
دخولPhoto by Hans M
saifaldeen
الجنس : 
المشاركات : 36
الانتساب : 10/04/2013
"تشبيكة أيدين"
الخميس أبريل 11, 2013 6:35 am
"تشبيكة أيدين"
***********
1
كان قاعد على مدخل المترو وبيعزف لحن جميل على الجيتار والبنت كانت حاضنه أيد حبيبها ومتبته كأنها لو سبته هيسيبها وتحضن أيده أيد أول بنت تضحكله، ما أبعد الضحك عن القلب حين يلجأ للماديات !
2
فى الناحية التانية من الرصيف كانت بنت مستنية حبيبها وحبيبها كان مؤمن بأن الحب مش للفقرا فمجاش وأكتفى بالشعور بالذنب والبنت حضنت نفسها وبتصبر ولسه حبيبها مجاش !
البنت التانيه نشفت من الوحدة،ولما قرب منها مسك أيديها بعدت عنه فلتت أيده، مكنش حبيبها،كان واحد عادى وهى كانت واحدة عادية محتاجة لأى أيدين يحضنوا أيدها ،وسابت عنيها ساعتها تدمع وتعبر عنها بكامل أنوثتها،مسح دموعها وعشان يضحكها قال نكته كانت بايخة بس فى لحظات الحزن النكت البايخة بتطلع حلوة !
3
والبنت الأولنيه مقدرتش تسيطر ع الموقف لما لقت حبيبها مهتم بواحدة تانيه بترقص بخفة ودلع على لحن الجيتار،حاولت تحضن أيده لأجل ما يسبهاش وضحكتله ،بعد عنها ،رقصت كما البنت اللى بترقص بخفة ودلع ،سبها وراح للبنت اللى بترقص بخفة ودلع ورقص معاها لكنها كانت خايفه عليه ،جريت عليه ورقصت معاهم ،على صوت الموسيقى رقصوا التلاته سوا،اتجمعوا الولاد والبنات ورقصوا كلهم وعلى صوت الجيتار رقصوا جميعا وتاه حبيبها فى وسط الزحمه وتاه وسط الرقص، وأبتدى يقل صوت اللحن !
4
ساعتها كانت البنت التانيه بتعتذر لحبيبها اللى أتأخر عليها عن حبها وإيديها حاضنه أيد حبيبها الجديد !
5
والمترو بيوصل للرصيفين فى نفس الوقت ،وبتفضل البنت الاولنيه على الرصيف الاولنى من غير حبيبها وبترفض تركب المترو وبتعدى للرصيف التانى !
6
والبنت التانيه بتلقى أيد حبيبها الجديد بارده وبتحس بالوحدة بترفض تكمل معاه فى نفس المترو وبتعدى للرصيف الأولنى لأجل ما تلقى فرصة تانيه !
7
وعلى صوت الجيتار تتبدل جهات الأتنين والبنت التانيه اللى كانت بتدور على أيدين تحضنها أستسلمت للبرد وسكتت تتأمل طريقها القديم من زواية جديده عليها !
8
والبنت الأولنيه اللى تاه منها حبيبها أستسلمت لصوت الجيتار وأيدين غريبه عنها وإيدين كتير عاوزة تحضنها !
9
والبنت التانيه ع الرصيف الأولنى رقصت فجأة وأنكرت الحب ، ما أحلى المادة وأنك تسيب أيديك للرقص ،أيدين بتعشق الحرية من غير وعود حب كدابه،البنت التانيه لأول مرة بترقص وبتعشق الحرية !
10
البنت الأولنيه بتشبك صوابعها مع صوابع غريبة وبتغنى لحن غير لحن الجيتار ،بتغنى وبتخترع لحن !
11
البنت التانيه بتفرد شعرها وبتغنى من غير حبيب بيخاف ومن غير حبيب تشبيكة أيديه باردة،وبترقص وتغنى وتستمتع بلحن الجيتار !
12
والبنت الأولنيه لسه بتغنى وتحاول تطلع من حبيبها الجديد أى لحن لكن اللحن كان صعب يطلع منه سكتت وبطلت غنا ولما وصل الميترو فكت تشبيكة أيديها من أيديه ورحلت فى الأتجاة الغريب وهى بتكمل لحنها اللى أخترعته بنفسها،لحن جديد !
13
والبنت التانيه اللى بترقص كملت رقص لما وصل الميترو فى الأتجاة الجديد ،وغنت من قلبها فى الأتجاه الجديد !
14
ليلتها من غير تشبيكة أيدين أو أحضان خوف زايفه أبتدوا حياتهم من جديد ، ما أحلى صوابع الأيدين الغير متعكزة على صوابع إيدين عاجزين !
***********
1
كان قاعد على مدخل المترو وبيعزف لحن جميل على الجيتار والبنت كانت حاضنه أيد حبيبها ومتبته كأنها لو سبته هيسيبها وتحضن أيده أيد أول بنت تضحكله، ما أبعد الضحك عن القلب حين يلجأ للماديات !
2
فى الناحية التانية من الرصيف كانت بنت مستنية حبيبها وحبيبها كان مؤمن بأن الحب مش للفقرا فمجاش وأكتفى بالشعور بالذنب والبنت حضنت نفسها وبتصبر ولسه حبيبها مجاش !
البنت التانيه نشفت من الوحدة،ولما قرب منها مسك أيديها بعدت عنه فلتت أيده، مكنش حبيبها،كان واحد عادى وهى كانت واحدة عادية محتاجة لأى أيدين يحضنوا أيدها ،وسابت عنيها ساعتها تدمع وتعبر عنها بكامل أنوثتها،مسح دموعها وعشان يضحكها قال نكته كانت بايخة بس فى لحظات الحزن النكت البايخة بتطلع حلوة !
3
والبنت الأولنيه مقدرتش تسيطر ع الموقف لما لقت حبيبها مهتم بواحدة تانيه بترقص بخفة ودلع على لحن الجيتار،حاولت تحضن أيده لأجل ما يسبهاش وضحكتله ،بعد عنها ،رقصت كما البنت اللى بترقص بخفة ودلع ،سبها وراح للبنت اللى بترقص بخفة ودلع ورقص معاها لكنها كانت خايفه عليه ،جريت عليه ورقصت معاهم ،على صوت الموسيقى رقصوا التلاته سوا،اتجمعوا الولاد والبنات ورقصوا كلهم وعلى صوت الجيتار رقصوا جميعا وتاه حبيبها فى وسط الزحمه وتاه وسط الرقص، وأبتدى يقل صوت اللحن !
4
ساعتها كانت البنت التانيه بتعتذر لحبيبها اللى أتأخر عليها عن حبها وإيديها حاضنه أيد حبيبها الجديد !
5
والمترو بيوصل للرصيفين فى نفس الوقت ،وبتفضل البنت الاولنيه على الرصيف الاولنى من غير حبيبها وبترفض تركب المترو وبتعدى للرصيف التانى !
6
والبنت التانيه بتلقى أيد حبيبها الجديد بارده وبتحس بالوحدة بترفض تكمل معاه فى نفس المترو وبتعدى للرصيف الأولنى لأجل ما تلقى فرصة تانيه !
7
وعلى صوت الجيتار تتبدل جهات الأتنين والبنت التانيه اللى كانت بتدور على أيدين تحضنها أستسلمت للبرد وسكتت تتأمل طريقها القديم من زواية جديده عليها !
8
والبنت الأولنيه اللى تاه منها حبيبها أستسلمت لصوت الجيتار وأيدين غريبه عنها وإيدين كتير عاوزة تحضنها !
9
والبنت التانيه ع الرصيف الأولنى رقصت فجأة وأنكرت الحب ، ما أحلى المادة وأنك تسيب أيديك للرقص ،أيدين بتعشق الحرية من غير وعود حب كدابه،البنت التانيه لأول مرة بترقص وبتعشق الحرية !
10
البنت الأولنيه بتشبك صوابعها مع صوابع غريبة وبتغنى لحن غير لحن الجيتار ،بتغنى وبتخترع لحن !
11
البنت التانيه بتفرد شعرها وبتغنى من غير حبيب بيخاف ومن غير حبيب تشبيكة أيديه باردة،وبترقص وتغنى وتستمتع بلحن الجيتار !
12
والبنت الأولنيه لسه بتغنى وتحاول تطلع من حبيبها الجديد أى لحن لكن اللحن كان صعب يطلع منه سكتت وبطلت غنا ولما وصل الميترو فكت تشبيكة أيديها من أيديه ورحلت فى الأتجاة الغريب وهى بتكمل لحنها اللى أخترعته بنفسها،لحن جديد !
13
والبنت التانيه اللى بترقص كملت رقص لما وصل الميترو فى الأتجاة الجديد ،وغنت من قلبها فى الأتجاه الجديد !
14
ليلتها من غير تشبيكة أيدين أو أحضان خوف زايفه أبتدوا حياتهم من جديد ، ما أحلى صوابع الأيدين الغير متعكزة على صوابع إيدين عاجزين !
صلاحيات هذا المنتدى:
لاتستطيع الرد على المواضيع في هذا المنتدى