[مقالة] ما يصح إلا الصحيح

خلّك ابحالك تراني ضقت من حالي أنا

لا أبي عشق و محبّة شوف غيري واستريح

//

و الهوى بضاعة وفيرة للي يتحمّل عنى

بسّ ناظر وين رجلك تاخذك واصحك تطيح

//

ما يشيلك من هويته لا و لا حتّى الضّنى

شوف كم عاشق بدربك ضاع في الكون الفسيح

//

لا تظنّ انّ المحبّة سعد فرحة أو هنا

ما تطيق الشّوق كاوي قلبك المرهف يسيح

//

لا تصدّق قول خاين ساق غيرك للونى

يقتل احساسك و تصبح في الهوى والله جريح

//

انتظر واصبر و صابر ربّك ايحقّق منى

واللي في لوحه يصيبك طيّب أو حتّى قبيح

//

عمرك اللي راح روّح و اللي باقي كم سنا

لا تقاتل لا تصارخ ما يصح الاّ الصّحيح

//

< بقلمي >