أنا أكيد منكم ومش زيكم بالحرف

أنا أكيد منكم ومش زيكم بالحرف
أنا انسان بسيط
والمستوى ع الحرف
لاانا مدمن ولا كييف
ولامشيى كده ع الكيف
لاانا هباش ولا غشاش
ولاتاجرت يوم فى الصنف
باحب مناقشتى عادى
واحب الصوت يكون هادى
ولاعمرى أحب العنف
أحب الحق واقول الحق مانكرشى
وسيف العدل على رقاب الجميع يمشى
ونصيحة منى ياصاحبى
قول الحق ماتخفشى
لو على أقرب قريب منك
بتحبه وبيحبك
برضه تقول ومهما يكون ماتندمشى
والكلمة الحلوة مش كافية
أنا عايز القلوب صافية
والناس تحب الناس
حلوة الحياة يابشر
لو فيه وفا وأخلاص
مش بلطجة وعافية
ولو عقلنا حساس
وحاسبها بالمللى
أحسب حسابك
لاكبيرة ولاصغيرة تخللى
حتبقى على رؤيتك ثابت
وحتعرف ان الطرق طريقين
مالهمشى طريق تالت
وحتعرف ان الفرق فريقين
ومافيش فريق تالت
ألزم طريق الخير
وسيبك من الغير
واوعى تتغير مهما البشر قالت


عبدالهادى