[مقالة]خمسة حروف

الأحد ديسمبر 23, 2012 10:28 pm

( خمسة حروف )

قالت ونبرات الدلع تكتسيها :

يا( سعد ) فيني طبع من جد شيني

سالتها عنه واثاري يديها

دايم تداعب شعْرها !!..

لافلّته في نحْرها !!..
ياليلها !!

قم واحك قصة سحرْها ..
ياليلها !!

إسرد دلالٍ عبرْها ..
ياليلها !!

أوصف ملامح عطرْها ..
ياليلها !!

أيقظ حقول الأنوثه ..

انوثةٍ ترسم من الليل صبحين ..

انوثةٍ تنسج من النور شمسين ..

ياحلوها !!

الله ماروع غضبها ..

ياطيبها !!

كان زعلت ..

والضيق لاشعل حطبها !!

تنساق طفلة من بياض ..

وبيئة مراجيح ورياض ..

وتحلّق بجو الشعر ..

وتمطر على الاشعار غيمة .. وديمة

وتلوّح لكل الحروف ..

باشارة من يدّها ..
من قدها؟

من قد مثلي

يوم حرفي شدها ؟

يالمترفة بالحسن إلى حد الإسراف !!
والله أخاف !!

إني بلحظة أحبك !!

وارشفك شوقٍ واصبك ..

واسكبك رتم واغاني ..

وانقشك قصة جنون ..

ماعاشها قبلي أحد ..
خمسة حروفٍ بي تعوم !!

مكانها متن الغيوم ..
خمسة حروف !!

ماهيب أبد مثل الحروف ..

ياكرنفال بشفتي !!

يافرْح يملا دنيتي !!

ياخوفي يوم آحبها !!

وفي علتي

تبخل علي بطبها !!

ياللي سرت بين أحرفي ..

وسالت على كفي قصيد ..
ياكلّها !!

يكفيني منّك جلّها ..
ياظلها !!

لاجيت عندك قلها ..
مجنون قادم من بعيد !!

بضاعته صدق .. وقصيد !!

معه من الماضي جروح ٍ

غير عن كل الجروح ..

يحمل متاهات السنين ..

اللي كسرت قلب ٍ حزين ..

هذي يدي !!

هاتي يدك !!
وانتي .. وانا

نفس الطبع ..

نفس المعاني .. والجروح !!

نفس القلوب الموجعة !!

ياحرفي خلّص ليلها !!

قم ودّعه !!

على أمل ليل ٍ جديد ..
تجي ونبرات الدلع تكتسيها !!